परभणी प्रतिनिधी
सविस्तर वृत्त असे की तक्रारदार यांनी त्यांचे पत्नीचे नावे फुलकळस शिवारात एकूण 2 गुंठे जमीन विकत घेतली आहे. बँकेचे कामासाठी जमिनीचा फेरफार करून सातबारावर नोंद घेणे आवश्यक आहे. त्यासाठी दि. 05/07/2024 रोजी तक्रारदार यांनी लाचखोर तलाठी दत्ता होणमाने यांची भेट घेतली व कागदपत्रे देऊन फेरफार होण्यासाठी विनंती केली. दि. 22/07/2024 रोजी तक्रारदार हे तलाठी होणमाने यांना फेरफारच्या कामासाठी भेटले असता आलोसे तलाठी होणमाने यांनी तक्रारदार यांना प्रती गुंठा 40,000/- रुपये याप्रमाणे फेरफारचे कामासाठी एकूण 80,000/- रुपये मला द्यावे लागतील अशी मागणी केली.सदर रक्कम ही लाच असल्याची तक्रारदार यांना खात्री झाली व त्यांना लाच देण्याची इच्छा नसल्याने त्यांनी दि. 29/07/2024 रोजी एसीबी परभणी येथे त्याबाबत तक्रार दिली.आज दि. 01/08/2024 रोजी पंचासमक्ष करण्यात आलेल्या लाचमागणी पडताळणी दरम्यान आलोसे तलाठी दत्ता होणमाने यांनी तक्रारदार यांना त्यांचे पत्नीचे नावे असलेल्या जमिनीच्या फेरफारचे कामासाठी प्रती गुंठा 40,000/- रुपये प्रमाणे एकूण 80,000/- रुपये लाचेची मागणी केली. त्यापैकी पहिला हप्ता म्हणून 40,000/- रुपये लगेच आणून देण्यास सांगितले.
त्यावरून पंचासमक्ष करण्यात आलेल्या सापळा कारवाई दरम्यान आलोसे तलाठी दत्ता होणमाने यांनी तक्रारदार यांच्याकडून 40,000/- रुपये लाच रक्कम स्विकारली आहे. आलोसे तलाठी दत्ता होणमाने यांना लाचेच्या रकमेसह ताब्यात घेतले आहे. पो.स्टे.ताडकळस येथे गुन्हा दाखल करण्याची प्रक्रिया सुरू आहे ही
डॉ.राजकुमार शिंदे भापोसे पोलीस अधीक्षक,अँटी करप्शन ब्युरो,नांदेड परिक्षेत्र,नांदेड यांच्या मार्गदर्शनाखाली मो.क्र. 9623999944 पर्यवेक्षण अधिकारी श्री अशोक इप्पर, पोलीस उप अधीक्षक,अँटी करप्शन ब्युरो, परभणी मो.क्र. 9850483337 सापळा व तपास अधिकारीश्री.बसवेश्वर जकीकोरे, पोलीस निरीक्षक,अँटी करप्शन ब्युरो,परभणी सापळा कारवाई पथक टीम अँटी करप्शन ब्युरो,परभणी पुढील प्रक्रिया चालू आहे.